«Дьулуур» театральнай коллективка «Норуодунай тыйаатыр» аатын туттарыы, Миитэрэй Наумов «Соргулаах суорумньу» кэмиэдьийэтэ
2023 сыл кулун тутар 27 күнүгэр Бөтүҥ дьоно-сэргэтэ өр сыл кэтэспит баҕа санаабыт туолла. «Дьулуур» театральный коллектив «Норуодунай» ааты сүгүөн сүктэ. Бу ааты ыларга үлэлэспит дьоммутугар, кыттааччыларбытыгар, көрөөччүлэрбитигэр улахан Махтал! Бу бэлиэ күн «Дьулуур» коллектива Сахаяна Гурьева режиссердаах Миитэрэй Наумов «Соргулаах суорумньу» кэмиэдьийэтин туруоран бар дьоннорун сэргэхситтилэр, биһирэбиллэрин ылллылар. Биһиги тыйаатырбыт инникитин даҕаны үлэтин хайысхатын өссө кэҥэтэн-тупсаран, култуура, искусство эйгэтигэр үрдүк таһымнаах элбэх испэктээги туруоран, норуот үгэһигэр, култууратыгар тирэҕирэн дьон өйүгэр-санаатыгар, кэнэҕэски ыччакка тиэрдэн, «Дьулуур» норуодунай тыйаатыр артыыстара – өссө сайдыылаах, инники кэккэҕэ сылдьар, бар дьону үөрдэ-сөхтөрө туруохтара диэн улаханнык эрэнэбит. Бөтүҥ дьонугар-сэргэтигэр бүгүҥҥү күн үтүө өйдөбүл, кэрэ кэпсээн буолуо дии саныыбыт. Бука барыгытыгар сырдыгы, тапталы, дьолу баҕарабыт.
"Талааналар" Тааттаҕа
Кулун тутар 31 күнүгэр «Талаана» үһүс көлүөнэ түмсүү Таатта улууһугар Баайаҕа нэһилиэгин «Айылҕаана» а5ам саастаахтар түмсүүлэрин балаҕаныгар уопут атыстаһан, маастар кылааска сылдьан саҥаны билэн — көрөн кэллилэр. «Талааналар» иистэнэр баҕалаах буоланнар эһиилги Олоҥхо ыһыаҕар бэлэмнэнэр сыалтан арааһы иистэнэр, киэҥ сайдыылаах, сахалыы көрүүлээх элэккэй үөрүнньэҥ далбар хотуттары кытары атах тэпсэ олорон чэйдээн, кэпсэтэн, санаа атастаһан бириэмэлэрин астына […]
"Бэһиэлэй бэтиэхэлэр" күрэх түмүгэ.
Муус устар 1 күнүгэр Аан дойдутааҕы көр-күлүү күнүгэр аналлаах «Сайдыс — 2023» күрэх чэрчитинэн Бөтүҥ нэһилиэгин тэрилтэлэрин икки ардыларыгар «Бэһиэлэй бэтиэхэлэр» күөн-күрэс ыытылынна. Тэрилтэлэр коллективтара маҥнайгы түһүмэххэ дьээбэ-хообо сыанкалары көрдөрөн, иккис түһүмэххэ саха эстрадатын сулустарын эт куоластарынан пародиялаан бар дьону куллэрэн, дьүүллүүр сүбэ үрдүк сыанабылын ыллылар. Ол курдук Бөтүҥнээҕи тыа хаһаайыстыба кооперативын, СӨ Судаарыстыбаннай хааһынатын […]
Комментарии (0)