Аграфена Егоровна Сутакова 85 сааһын үөрэ-көтө көрсөбүт!
Бүгүн самаан сайын салаллыыта бэс ыйын 7 күнүгэр үлэни өрө туппут, үлэнэн дьолломмут, колхознай-совхознай тутул актыыбынай кыттыылааҕа, маяк ыанньыксыт, герой-ийэ, «Аҕа дойдуга үтүөлэрин иһин» IV степеннээх орден кавалера, СӨ тыатын хаһаайыстыбатын үтүөлээх үлэһитэ, СӨ тыатын хаһаайыстыбатын Государственнай бириэмийэтин лауреата, дьахталлар республикатааҕы VIII съезтэрин делегата, Саха Өрөспүүбүлүкэтин, Амма улууһун, Алтан, Бөтүҥ нэһилиэктэрин бочуоттаах олохтооҕо, Бөтүҥ киэн туттуута, тарбахха баттанар, ытыктанар киһитэ Аграфена Егоровна Сутакова 85 сааһын туолар үөрүүлээх күнүнэн итиитик-истиҥник эҕэрдэлиибит!
Киһи, Үлэһит, Герой-ийэ быһыытынан эдэр көлүөнэни иитиигэ-үөрэтиигэ тус бэйэтин үлэтинэн, олоҕунан үтүө холобур буолар, үрүҥ илгэни үрүйэлии сүүрүгүрпүт туруу үлэһит киһиэхэ, үлэ бастыҥар сүгүрүйэн, махтанан туран баҕарабыт булгуруйбат дьулууру, тулууру! Эйигин кытары өрүү өрөгөйдөөх үтүө майгы, айар-тобулар хотуулаах хорсун санаа аргыстастын. Бу сандаархай сайыҥҥы дьоһун күн Эн бастыҥ иэйиигин уһугуннардын, инникигэ эрэлгин эптин, дьолу уонна этэҥҥэ буолууну бэлэхтээтин. Бар дьоҥҥун үөрдэ-көтүтэ уһуннук, дьоллоохтук олор!
Аграфена Егоровна олорбут олоҕун, сыралаах үлэтин кэпсиир-сырдатар «Бөтүҥнээҕи С.Я. Левин аатынан НАК» киинин иһинэн тэриллибит «Эйгэ» биирии 11 тахсыытын көрөргүтүгэр ыҥырабыт!
"Чороон 21 үйэ" ХЭТ кытары көрсүһүү
Бэс ыйын 3 күнүгэр «Бөтүҥнээҕи С.Я. Левин аатынан норуот айымньытын киинигэр» «Чороон 21 үйэ» ХЭТ директорын Софья Трофимовна Попованы кытары көрсүһүү буолан ааста. Үрүҥ Тунах Ыһыах бырааһынньыгын көрсө «Чороон 21 үйэ» ХЭТ маанылаах остуолга сахалыы иһит эрэ буолбакка Саха далбар хотуна ыһыахха кэтэр мааны халадаай, хаһыаччык тиктэригэр таҥас, тесьма, тимэх, оҕуруо арааһын атыылыылларын туһунан кэпсээтэ, […]
Что значит для тебя Россия?
12 июня — День России, праздник суверенитета и единства нашей страны. Мы помним многовековую историю нашей родины, великие подвиги предков, чтим тысячелетние традиции и гордимся вкладом нашего народа в мировую культуру и научно-технологический прогресс.»Главный золотой запас России — это люди», — считает Президент России Владимир Путин. От каждого из нас зависит процветание родины.С Днём России! […]
Комментарии (0)