Олоҥхо десана Бөтүҥҥэ
Алгыстаах Аммабыт улууһугар 2024 сылга 17 төгүлүн ыытыллар Өрөспүүбүлүкэтээҕи олоҥхо ыһыаҕар бэлэмнэнии чэрчитинэн, олоҥхо десана кэлэн Бөтүҥ нэһилиэгин олохтоохторо хайдах, туох бэлэмнээхтэрин көрдө, иһиттэ. Ол курдук сарсыардаттан ыалдьыттарбытын сылаас алаадьынан, минньигэс быырпаҕынан айах туттубут. Нэһилиэкпит «Оллоон» оҕо көрдөрүүлээх фольклорнай ансаамбыла, «Ситим» фольклорнай коллектива, ону тэҥэ Марта Константиновна салайааччылаах Н.Е. Иванов аатынан Бөтүҥ орто оскуолатын 3 кылааһын оҕолоро фольклор араас жанрыгар икки чаастаах кэнсиэр көрдөрдүлэр. Онтон уран-тарбахтаах иистэнээччилэрбит, маастардарбыт тикпит-оҥорбут оҥоһуктарынан быыстапка буолла. Ол кэннэ Амматааҕы норуот айымньытын дьиэтин исписэлииһэ Дария Ивановна Иванова сиэлинэн ситии баайыытыгар маастар кылаас ыытта. Киэһэ 17:00 чаастан улуус баһылыгын социальнай боппуруостарга солбуйааччыта, Аммаҕа олоҥхо Ассоциациятын салайааччыта Нюргуяна Ивановна Илларионова уонна Амма култууратын управлениетын салайааччыта Иван Федорович Иванов уонна управление үлэһиттэрэ кыттыылаах олохтоох нэһилиэнньэни кытта мунньах буолла. Нэһилиэкпит олохтоохторо! Буолаары турар Олоҥхо ыһыаҕар бары түмсэн таһаарыылаахтык үлэлиэҕиҥ-хамсыаҕыҥ!
Аҕам саастаах дьон декадата
Алтынньы 1 күнэ — Аан дойду үрдүнэн аҕам саастаахтар күннэринэн биллэриллибитэ ыраатта. Онтон Бөтүҥҥэ аҕам саастааахтар декадалара алтынньы 1 күнүттэн 13 күнүгэр диэри ыытылынна. Ол курдук, алтынньы 2-3 күннэригэр тыыл бэтэрээннэригэр уонна сэрии оҕолоругар анаан олохтоох балыыһа үлэһиттэрэ кыттыылаах дьиэнэн сылдьан көрүү буолла. Кинилэргэ анаан нэһилиэк тэрилтэлэрин үлэһиттэрин күүһүнэн «Амма олоҕо» уонна «Забота арчы» хаһыаттарга […]
Следующее мероприятие: Идэhэ 2023 7 декабря
Комментарии (0)