«Айхаллыы көрсүөҕүҥ»
Муус устар 10 күнүгэр А.А.Черемных аатынан Амматааҕы оҕо искусствотын оскуолатын тэрийиитинэн олоҥхоһут, норуот ырыаһыта, СӨ үтүөлээх артыыһа У.Г.Нохсоороп төрөөбүтэ 120 сылын көрсө “Айхаллыы көрсүөҕүҥ” диэн фольклор көрүҥнэригэр аһаҕас күөн-күрэс буолан ааста.
Бу тэрээһин сүрүн соруктарынан У.Г.Нохсоороп аатын үйэтитии, саҥа талааннары арыйыы;
норуот ырыатын, тойугу, чабырҕаҕы, олоҥхону, оһуохайы, хомуһу үйэтитии, дьоҥҥо-сэргэҕэ билиһиннэрии; кэнчээри ыччаты норуот ырыатыгар-тойугар уһуйуу, үөрэтии, көҕүлээһин, толорор маастарыстыбаны кэҥэтии, санаа атастаһыыта буолла.
Кыттааччылар 3 бөлөҕүнэн арахсан хас да көрүҥҥэ күөн көрүстүлэр. Ол курдук, норуот ырыатыгар, тойукка, чабырҕахха, аммалыы оһуохайга, хомуска, олоҥхоҕо сатабылларын, талааннарын көрдөрдүлэр.
А. А. Черемных аатынан оҕо ускуустубатын оскуолатын Бөтүҥнээҕи филиалын иһинэн үлэлиир Саина Ивановна Попова, Дарияна Федоровна Яковлева салайааччылардаах «Оллоон» оҕо көрдөрүүлээх фольклорнай ансаамбыла тойукка, олоҥхоҕо, хомуска, чабырҕахха, норуот ырыатыгар ситиһиилээхтик кытынна.
Хомус көрүҥэр «Оллоон» оҕо көрдөрүүлээх ансаамбылын кыра бөлөҕө Үрдэл 1 таһыма, орто бөлөҕө Үрдэл 3 таһыма, Камила Иванова Үрдэл 1 таһыма, Камила Эверстова Үрдэл 3 таһыма, Жиркова Мариелла Үктэл 1 таһыма буоллулар. Норуот ырыатыгар «Оллоон» оҕо көрдөрүүлээх ансаамбылын орто бөлөҕө Үрдэл 1 таһыма, «Оллоон» оҕо көрдөрүүлээх ансаамбылын кыра бөлөҕө Үрдэл 3 таһыма, Жиркова Мариелла Үрдэл 1 таһыма, Назарова София Үктэл 1 таһыма та5ыстылар. Олоҥхолоон Үрдэл 1 таһыма — Айна Татаринова, Үрдэл 3 таһыма — Арина Артемьева буоллулар. Тойукка Нарыйаана Арылхан — Үрдэл 1 таһыма буолла. Онтон чабырҕах көрүҥэр «Оллоон» оҕо көрдөрүүлээх ансаамбылын орто бөлөҕө — Үрдэл 2 таһыма буолары ситистэ.
Уопсай түмүккэ Кылаан Чыпчаал анал аат «Оллоон» оҕо көрдөрүүлээх улахан бөлөҕөр иҥэрилиннэ. Саина Ивановна, Дарияна Федоровна «Бастыҥ салайааччыларынан» ааттаннылар.
Инникитин даҕаны араас таһымнаах күрэхтэргэ, бэстибээллэргэ кыайыы-хотуу эрэ аргыстаах сылдьыҥ!
Праздник культуры в Амгинском улусе: день наград, музыки и побед
Вчера в Амгинском улусе состоялось торжественное мероприятие, посвящённое сразу двум важным датам — Дню работника культуры в России и Году культуры в Республике Саха (Якутия). Праздничная программа прошла в тёплой, почти семейной атмосфере, хотя масштаб события говорил об обратном: на сцене и в зале собрались ведущие деятели культуры, мастера искусств, руководители учреждений, ветераны отрасли и […]
Петр Неустроев аатынан дуобат турнира
Муус устар 11–12 күннэригэр Амма Бөтүҥэр көҥүл тустууга ССРС спордун маастара, СӨ үтүөлээх тириэньэрэ, дуобакка спорт маастарыгар хандьыдаат Петр Дмитриевич Неустроев кэриэһигэр нуучча дуобатыгар өрөспүүбүлүкэтээҕи квалификациялаах турнир ыытылынна. Күрэхтэһиигэ 6 улуустан барыта 105 дуобатчыт кэлэн кытынна. Дуобат тумара хонуутугар икки күннээх унньуктаах киирсии түмүгэр кыайыылаах таҕыстылар:2017 с. т.Кыргыттарга:🥇 Кузьмина Уйгулаана – 1 м.🥈 Яковлева Айгыына […]
Комментарии (0)