Аграфена Егоровна Сутакова өрөгөйдөөх үбүлүөйүн көрсө «Алаас Хотуна» улуустааҕы ыанньыксыттар күрэхтэрэ үрдүк таһымҥа ааста.
Бэс ыйын 14 күнүгэр «Туора» сайылыгар Бөтүҥ нэһилиэгин киэн туттар, ытыктыыр, убаастыыр Герой Ийэ, «Аҕа дойдуга утүөлэрин иһин» 4 истиэппэннээх орден кавалера, Саха Өрөспүүбүлүкэтин тыатын хаһаайыстыбатын үтүөлээх үлэһитэ, Саха Өрөспүүбүлүкэтин тыатын хаһаайыстыбатын Государственнай бириэмийэтин лауреата, Өрөспүүбүлүкэтээҕи дьахталлар 8 съезтэрын делегата, Саха Өрөспүүбүлүкэтин, Амма улууһун, Бөтүҥ, Алтан нэһилиэктэрин бочуоттаах олохтооҕо Аграфена Егоровна Сутакова өрөгөйдөөх үбүлүөйүн бэлиэтиир 85 сааһын көрсөр «Алаас Хотуна» улуустааҕы ыанньыксыттар күрэхтэрэ буолан ааста.
Улуус хас да нэһилиэгиттэн ыанньыксыттар кэлэннэр, уопсайа 7 хамаанда кыттыыны ылла. Күрэх бастакы түһүмэҕэр ыанньыксыттар илиилэринэн бириэмэҕэ ынах ыатылар,иккис түһүмэххэ ынах ыыр аппарааты бириэмэҕэ ыһыыга, хомуйууга күрэхтэстилэр, үһүскэ теорияҕа тестирование аастылар.
Онтон хаһаайыстыбалар салайааччылара оҕунан ытыыга күрэхтэрэ бэрт интэриэһинэй буолла. Манна кыайыылааҕынан И.Я.Строд аатынан хаһаайыстыба бэрэссэдээтэлин солбуйааччы Николай Атласов, иккис миэстэ «Кэскил» ТХПК бэрэссэдээтэлэ Александр Карманов, үһүс миэстэ «Болугур» ТХПК бэрэссэдээтэлэ Михаил Ксенофонтов буоллулар.
Күрэх үөрүүлээх аһыллыытыгар СӨ тыатын хаһаайыстыбатын миниистирэ Александр Атласов, улуус баһылыга Степан Кузьмин, СӨ сири кытта үлэҕэ сулууспа салайааччыта Афанасий Семенов, улуустааҕы тыа хаһаайыстыбатын управлениетын салайааччыта Ион Кононов, Бөтүҥ нэһилиэгин баһылыга Алексей Никитин, улуус хаһаайыстыбаларын бэрэссэдээтэллэрэ эҕэрдэ тылларын тириэртилэр, наҕараадалары туттардылар.
Күн иккис аҥарыгар хамаандалар хас да түһүмэхтээх идэлэринэн эстафетаҕа, ырыа күрэҕэр бастыҥнары быһаарыстылар.
«Алаас Хотуна» күрэх уопсай түмүгүнэн үһүс миэстэҕэ Сэргэ Бэс ыанньыксыттарын хамаандата, иккис миэстэҕэ “Илгэ” И.Я Строд аатынан ТХПК уонна бастакы миэстэҕэ “Бөтүҥ” ТХПК ыанньыксыттара тигистилэр. Кинилэргэ улуус тыатын хаһаайыстыбатын управлениета олохтообут харчынан бириэмийэлэрин туттарда. Маны сэргэ Аграфена Егоровна анал бирииһин Амматааҕы»Хомуур» улуус бааһынай хаһаайыстыбаларын сүүмэрдэммит хамаандатыгар туттарда.
Күрэх түгэннэриттэн таҥыллыбыт видеолары киирэн көрүҥ!
Что значит для тебя Россия?
12 июня — День России, праздник суверенитета и единства нашей страны. Мы помним многовековую историю нашей родины, великие подвиги предков, чтим тысячелетние традиции и гордимся вкладом нашего народа в мировую культуру и научно-технологический прогресс.»Главный золотой запас России — это люди», — считает Президент России Владимир Путин. От каждого из нас зависит процветание родины.С Днём России! […]
Бөтүҥ нэһилиэгин олохтоохторо сайыны уруйдуу-айхаллыы көрүстүлэр.
Аралыйар ыраас уулаах, айгыр-силик айылҕалаах Амма эбэни кыйа тайаан сытар, дьон-сэргэ тоҕуоруһа үөскүүр Бөтүҥ түөлбэтигэр бэс ыйын 17 күнүгэр самаан сайын сатыылаан кэлбит үөрүүтүгэр, өбүгэбит үгэһинэн Үрүҥ Тунах ыһыах үөрүүлээхтик буолан ааста.Ыһыах аһыллыытыгар түһүлгэҕэ «Талаана» түмсүү уонна Бөтүҥ нэһилиэгин кэрэ аҥардара киирэн тоҕус томторҕолоох түптэ маҥан буруотун унаарытан ыраастаан арчылаатылар. Ол кэннэ үрдүк айыыларга сүгүрүйэн, […]
Комментарии (0)