Анисия Даниловна Софронова – Саха култууратын сырдык сулуһа
Олунньу 15 күнүгэр Саха Өрөспүүбүлүкэтин култууратын, үөрэҕириитин туйгуна, Бөтүҥ нэһилиэгин бочуоттаах олохтооҕо, “Амма киэн туттуута” бэлиэлээх, «Саха Өрөспүүбүлүкэтин норуотун уус-уран айымньытын сайдыытыгар тус кылаатын иһин» уонна «Софья Сидорова аатынан» бэлиэлэр хаһаайына, «Оллоон» көрдөрүүлээх оҕо фольклорнай ансаамбылын төрүттээччи Үлэ бэтэрээнэ, убаастабыллаах Анисия Даниловна Софронова 80 сааһын туолуохтаах этэ. Кини амарах ийэ, эйэҕэс эбээ, үтүө үлэһит, саталлаах тэрийээччи, сырдыгынан сыдьаайар, кэрэни кэрэһэлиир, олох бары муудараһын этигэр-хааныгар иҥэриммит, дьон-сэргэ улаханнык ытыктыыр, киэн тутта ааттыыр ытык киһибит этэ.
Анисия Даниловна – кырдьык даҕаны, Бөтүҥ нэһилиэгин эрэ буолбакка, бүтүн Амма улууһун уонна Саха Өрөспүүбүлүкэтин киэн туттуута. Кини олоҕун устата төрөөбүт норуотун тыынын, үгэстэрин, ырыатын-тойугун, оһуохайын харыстыырга, кэнэҕэски ыччакка тиэрдэргэ анаабыта. Ол түмүгэр, 30 сыл анараа өттүгэр олохтоммут «Оллоон» ансаамбыл – Анисия Даниловна үлэтин саамай кэрэ түмүгэ, кини дууһатын күүһүн, талаанын көрдөрөр сырдык холобур.
Анисия Даниловна Софронова үтүө суобастаах айымньылаах үлэтинэн, кэскиллээҕи түстүүр үтүө ыратынан, сырдык иэйии кыымын оҕо дууһатыгар саҕар, сырдыгынан сыдьаайар үтүө санааны дьон-сэргэ кутугар иитиэхтиир, талба талааны арыйар, киһини үрдүккэ кынаттыыр үлэни утумнаахтык ыыппыта. Ол туһугар олоҕун бүтүннүү анаабыта. Ытыктыыр киһибит Анисия Даниловна Софронова тапталлаах ийэ, эйэҕэс эбээ, дьулуурдаах үлэһит киһи быһыытынан өйбүтүгэр-сүрэхпитигэр өрүү тыыннаах буолуоҕа, көлүөнэттэн көлүөнэҕэ аата ааттана туруоҕа.
Анисия Даниловна Софронова сырдык мөссүөнүн ахтан-санаан С.Я. Левин аатынан норуот айымньытын киинин иһинэн үлэлиир «Эйгэ» биэриигэ тахсыбыт видеосюжеты көрөргүтүгэр ыҥырабыт https://clck.ru/3RpsqT.
«Оллооннуу туойдахпына»
Бүгүн, олунньу 13 күнүгэр, Бөтүҥ нэһилиэгэр Саха сиригэр култуура сылын, «Оллоон» Саха өрөспүүбүлүкэтин көрдөрүүлээх оҕо фольклорнай ансаамбылын төрүттээччитэ, Саха Өрөспүүбүлүкэтин култууратын, үөрэҕириитин туйгуна, Бөтүҥ нэһилиэгин бочуоттаах олохтооҕо, “Амма киэн туттуута”, «Саха Өрөспүүбүлүкэтин норуотун уус-уран айымньытын сайдыытыгар тус кылаатын иһин”, «Софья Сидорова аатынан» бэлиэлэр хаһаайына, Үлэ бэтэрээнэ Софронова Анисия Даниловна төрөөбүтэ 80 сылыгар, А. А. Черемных […]
Культура в действии: результаты стратегической сессии
Сегодня, 17 февраля, состоялась стратегическая сессия работников культуры по формированию плана мероприятий к Году культуры в РС(Я). Работа проходила по чёткой программе: от командообразования и выработки слоганов до генерации идей, проработки целей, задач и публичной защиты проектов. В работе приняли участие 8 групп по 5 человек. Каждая команда за короткое время разработала полноценную проектную концепцию: […]
Комментарии (0)