Бөтүҥ талааннара «Күөх ыллыкка» ыалдьыттаатылар.
Олунньу 10 күнүгэр Бөтүҥнээҕи С.Я. Левин аатынан норуот айымньытын киинин айар кэллэктииптэрэ Амматааҕы нэһилиэнньэ социальнай көмүскэлин кэлим киинигэр норуокка биллэринэн «Күөх ыллыкка» ыалдьыттаатылар. Бөтүҥ талааннара эмтэнэр, сынньанар дьоҥҥо анаан истиҥ, иһирэх эҕэрдэ кэнсиэрин бэлэхтээтилэр.
Бу күн айымньы киинин иһинэн үлэлиир араас айар бөлөхтөр бэйэлэрин бастыҥ нүөмэрдэрин көрдөрдүлэр. Ол курдук, «Махтал» норуодунай үҥкүү кэллэктиибэ бэйэтин чаҕылхай үҥкүүлэринэн, «Ситим» уонна «Күн Куо» ырыа бөлөхтөрө истиҥ ырыаларынан көрөөччүлэр сүргэлэрин көтөхтүлэр. Егор Никифоров хомус дьүрүскэн тыаһынан истээччилэри абылаата, онтон эдэр талааннаах ырыаһыттар Дарияна Яковлева, Анна Попова уонна Ая Луковцева куту-сүрү тутар кэрэ куоластарынан кэнсиэри ситэрэн биэрдилэр.
Бу сезон биир уратытынан — «Күөх ыллыкка» билигин харахтарынан хааччахтаах дьон кэлэн эмтэнэ, сынньана сылдьаллар эбит. Хараҕынан көрбөт дьон аан дойдуну сүрэхтэринэн, кулгаахтарынан уонна дууһаларынан ордук дириҥник истэллэр. Ол иһин Бөтүҥ артыыстарын истиҥ толоруулара кинилэргэ сырдык үөрүүнү аҕалла.
Бөтүҥнээҕи норуот айымньытын киинин үлэһиттэрэ маннык үтүө үгэһи хас сезон аайы тутуһаллар. Кинилэр социальнай тэрилтэлэри кытта ситимнээх үлэлэрэ, дьоҥҥо-сэргэҕэ үтүөнү, сырдыгы тиэрдэр баҕалара хайҕаллаах суол.
"СОЦИАЛЬНЫЙ ДЕСАНТ"
🔰🔰🔰Убаастабыллаах Бөтүҥ нэһилиэгин олохтоохторо уонна ыалдьыттара‼️‼️‼️ Эһигини📇олунньу 13 күнүгэр, сарсыарда ⏳10.00 чаастан 🏛️ Буолар сирэ: С.Я. ЛЕВИН НАК Ларионов Николай Александрович, улуус баһылыгын социальнай боппуоруостарга солбуйааччыта салайааччылаах «СОЦИАЛЬНЫЙ ДЕСАНТ» проекка ыҥырабыт.Бу күн араас социальнай эйгэ салайааччылара, тустаах үлэһиттэрэ кэлэн льготалар, төлөбүрдэр, грант уо.д.а. интэриэһиргиир боппуруостаргытыгар сүбэлиэхтэрэ, көмөлөһүөхтэрэ.♻️♻️♻️«СОЦИАЛЬНАЙ ДЕСАНТ» хамыыһыйатын састааба: 10.00 — 11.00— уопсай мунньах; […]
Төрөөбүт тыл уонна сурук-бичик күнүнэн!
Бүгүн, олунньу 13 күнэ, олус ураты уонна суолталаах күн – Төрөөбүт тыл уонна сурук-бичик күнэ. Бу күн сахабыт тылын сайыннарыыга-чинчийиигэ олоҕун анаабыт, саха алфавитын төрүттээбит, бастакы лингвист Семен Андреевич Новгородов төрөөбүт күнэ. Биһиги төрөөбүт Сахабыт тылын күүһүн, кэрэтин, баайын иҥэриниэхтээхпит, кинини харыстыыр, кэнэҕэски ыччакка тиэрдэр эппиэтинэспит уонна эбээһинэспит буоларын өйдүөх тустаахпыт . Төрөөбүт тыл – […]
Комментарии (0)