Култуура эйгэтин үлэһиттэрин күнүнэн!
Айар-тутар талааннаах, култуура, олох-дьаһах сайдыытыгар сабыдыаллыыр, уруккуттан ордон хаалбыты харыстыыр уонна биллэрэр-иһитиннэрэр аналлаах кэрэ эйгэтигэр үлэлиир дьон идэлээх бырааһынньыктара кулун тутар 25 күнүгэр бэлиэтэнэр. Кинилэр биһиги ураты култуурабыт төрүт үгэһин оннунан хаалларарга бары күүстэрин, айар куттарын биэрэллэр.
Бу күн култуура эйгэтигэр сыһыаннаах дьоҥҥо барыларыгар сыралаах, суолталаах үлэлэрин иһин махтанан туран баҕарыа этибит элбэх, саҥа айар сүүрээни, инники былааннаргыт туолуутугар үрдүк ситиһиилэри, кытаанах доруобуйаны, дьолу-соргуну! Инникитин да5аны дьоҥҥо-сэргэҕэ, тулалыыр эйгэҕэ үөрүүнү аҕалыҥ, үтүөнү үксэтиҥ!
Култуура үлэһитин күнүн көрсө Бөтүҥ култууратын эйгэтигэр күн бүгүн үлэлии, айа-тута сылдьар дьон туһунан кэпсиир «Эйгэ» биэрии анал таһаарыытын бу сигэнэн киирэн көрүҥ https://youtu.be/wIJbml9loU0
Олоҥхо ыһыаҕа буолара 100 күн хаалла
Алгыстаах Аммабытыгар Олоҥхо ыһыаҕа буолара 100 күн хаалбытын бэлиэтээн Амма улууһун нэһилиэктэригэр күргүөмнээх тээрээһиннэр буоллулар. Бөтүҥнээҕи С.Я. Левин аатынан норуот айымньытын киинигэр бу күн минньигэс алаадьылаах, кыынньа сылдьар кымыстаах ыалдьыттары көрсүүттэн саҕалаан, нэһилиэк уран тарбахтаах маастардарын үлэлэринэн «Олоҥхо эйгэтэ» быыстапката түһүлгэни киэргэттэ, олоҥхону оллооннон эрэ истэн, саха төрүт оонньууларыгар куоталаһан бу күнү бэртээхэйдик атаардыбыт.
Комментарии (0)