«Лөглү Бөҕө сыдьааннара» «Дьыалабыай оонньууга»
Муус устар 24 күнүттэн 28 күнүгэр диэри Амма улууһун эдэр ыччаттарыгар аналлаах «Дьыалабыай оонньуу -2023» буолан ааста. Бу оонньуу сүрүн соруктарынан Амма улууһун нэһилиэктэрин сайдыыларыгар аналлаах социальнай бырайыактары өйөөһүн уонна талааннаах ыччаты табы көрүү, кинини салайар үлэҕэ сирдээһин буолар. Уопсайа 13 нэһилиэк эдэр ыччаттара кыттыыны ыллылар. Кыайыылаах хамаанда бырайыагын олоххо киллэрэргэ улуус баһылыгын 500 000 солкуобайдаах Гранын ылыы иһин күөн көрүстүлэр.
Ол курдук, 100 000 солкуобайы Амма нэһилиэгин «МИК» хамаандата көһө сылдьар суһал көмөнү оҥорор волонтерскай тэрээһинигэр, оттон 400 000 солкуобайы Чапчылҕан нэһилиэгин ыччата бэлэмнээбит “Кыыс Амма” скверин аттыгар дьон олорон сынньанар, куйаар-куодунан киирэн Чапчылҕан историятын билсэр информационнай стендэлэрдээх сири оҥорор бырайыактара ыллылар.
Биһиги нэһилиэктэн «Лөглү Бөҕө сыдьааннара» хамаанда састаабыгар Валентин Иванов, Семен Степанов, Михаил Алексеев, Егор Никифоров, Анастасия Семенова, Марианна Кырбасова, Айталина Иванова киирэннэр биэс күн устата бэлэмнэнэн Сэттэ ини-бии Бөрө Бөтүҥнэргэ аналлаах «Өбүгэ суолунан» бырайыагы ситиһиилээхтик көмүскээтилэр.
Оонньуу түмүгүнэн Айталина Иванова, Марианна Кырбасова улуустааҕы каадыр резерватыгар киирэн үөрүүлэрэ үрдээтэ.
Муус устар 27 күнэ - Саха Өрөспүүбүлүкэтин кунэ
Муус устар 27 күнүгэр Бөтүҥ нэһилиэгэр Саха Өрөспүүбүлүкэтин күнүн киэҥ далааһыннаахтык бэлиэтээтилэр. Ол курдук, сарсыарда 11 чааска Бөтүҥ нэһилиэгин депутаттарын сессиятыгар Попова Саина Ивановна салайаачылаах, сахалыы музыкальнай инструмент доҕуһуоллаах «Ситим» фольклорнай ансаамбыл э5эрдэлээтэ. Ону таһынан бу сессияҕа депутаттарга Бөтүҥ нэһилиэгин Аҕа баһылыга депутат буолууну туоһулуур бэлиэ значоктары туттарда. Күнүс 2 чааска «Бөтүҥнээҕи Степан Яковлевич Левин […]
Политсоветы кытары көрсүһүү
Муус устар 28 күнүгэр Бөтүҥ нэһилиэгин олохтоохторугар «Бөтүҥнээҕи С.Я.Левин аатынан норуот айымньытын киинигэр» праймеризка хайдах регистрация ааһары быһааран биэрэр уонна Амма улууһун Политсоветын туһунан билиһиннэрэр нэһилиэнньэни кытта көрсүһүү буолан ааста.
Комментарии (0)