Олунньу 16 күнүгэр Бөтүҥ нэһилиэгин олохтоох администрациятын, С.Я. Левин НАК уонна общественнай түмсүүлэрин 2022 сылаах тэрээһиннэри торумнуур сүбэ мунньаҕа
Олоҥхо ыһыаҕар бэлэмнэнии чэрчитинэн «Төрүт өбүгэлэртэн кэлбит сиэдэрэй таҥаһым» маастар кылааһа
Бэҕэһээ, о.э. олунньу 21 күнүгэр кулуупка Амматтан Дария Ивановна Олоҥхо ыһыаҕар бэлэмнэнии чэрчитинэн «Төрүт өбүгэлэртэн кэлбит сиэдэрэй таҥаһым» проект салайааччыта биһиги нэһилиэккэ ДПИ формирование иистэнньэҥнэрин кытары үлэлээтэСахалыы кытыылаах, бууктаах сон лекалоларын биэрдэ, лекционнай, практическай чаас ыытта. Онтон кэлин дьабакы бэргэһэ, өттүк симэҕин туһунан көрсүһүүлэр эмиэ буолуохтара диэн эрэннэрдэ.Иистэнньэҥнэр санаалара көтөҕүллэн, элбэххэ үөрэнэн астынан тарҕастылар.
"Бастыҥ аҕа - 2022"
Олунньу 23 күнүгэр Аҕа дойдуну көмүскээччилэрин күнэ бэрт сэргэхтик ааста. Күнүскү өттүгэр пятиборьеҕа түөлбэлэринэн күрэх буолла. Киэһэтин тэрилтэлэр икки ардыларыгар «Бастыҥ аҕа — 2022» диэн күөн-күрэс олус сэргэхтик ыытылынна. Бу күрэскэ Дмитрий Моисеевич Татаринов Кылаан кыайыыны ылары ситиһэн, 2022 сылга «Бастыҥ аҕа» аатын сүкпүтүнэн истиҥ эҕэрдэбитин тиэрдэбит!
Комментарии (0)