Төрөөбүт тыл уонна сурук-бичик күнүнэн!
Бүгүн, олунньу 13 күнэ, олус ураты уонна суолталаах күн – Төрөөбүт тыл уонна сурук-бичик күнэ. Бу күн сахабыт тылын сайыннарыыга-чинчийиигэ олоҕун анаабыт, саха алфавитын төрүттээбит, бастакы лингвист Семен Андреевич Новгородов төрөөбүт күнэ.
Биһиги төрөөбүт Сахабыт тылын күүһүн, кэрэтин, баайын иҥэриниэхтээхпит, кинини харыстыыр, кэнэҕэски ыччакка тиэрдэр эппиэтинэспит уонна эбээһинэспит буоларын өйдүөх тустаахпыт .
Төрөөбүт тыл – хас биирдии норуот кута-сүрэ, номоҕо, историята, култуурата буолар. Кини нөҥүө биһиги өбүгэлэрбитин, олоҥхобутун, номохторбутун, оһуохайбытын, тойуктарбытын кытары ситимнээхпит. Төрүт тылбыт — саха омук буоларын бигэргэтэр сүрүн тирэхпит. Сахабыт тыла — бу биһиги дириҥ силиспит, уйгулаах олохпут төрүтэ.
Билигин Сахабыт сирэ уларыйыы, сайдыы суолугар турар кэмигэр, тылбытын харыстааһын, сайыннарыы сүрүн сыалбыт-сорукпут. Эдэр ыччат бэйэтин төрөөбүт тылынан холкутук саҥарар, ааҕар, суруйар буолара кэрэхсэбиллээх. Оскуолаҕа, дьиэ кэргэҥҥэ, социальнай ситимнэргэ төрөөбүт тылбытын куруук туттарбыт, имэҥнээхтик сайыннарарбыт ирдэнэр.
Сахабыт тыла өрүү чөл туруктаах, чэбдик тыыннаах буоллун! Хас биирдии дьиэ кэргэҥҥэ төрөөбүт тыл ытык ыалдьыт буоллун, оҕолоргут сахалыы саҥаран төрөөбүт сирдэрин, удьуордарын таптыыр, киэн туттар, сайыннарар дьон буола улааттыннар!
Бөтүҥ талааннара «Күөх ыллыкка» ыалдьыттаатылар.
Олунньу 10 күнүгэр Бөтүҥнээҕи С.Я. Левин аатынан норуот айымньытын киинин айар кэллэктииптэрэ Амматааҕы нэһилиэнньэ социальнай көмүскэлин кэлим киинигэр норуокка биллэринэн «Күөх ыллыкка» ыалдьыттаатылар. Бөтүҥ талааннара эмтэнэр, сынньанар дьоҥҥо анаан истиҥ, иһирэх эҕэрдэ кэнсиэрин бэлэхтээтилэр. Бу күн айымньы киинин иһинэн үлэлиир араас айар бөлөхтөр бэйэлэрин бастыҥ нүөмэрдэрин көрдөрдүлэр. Ол курдук, «Махтал» норуодунай үҥкүү кэллэктиибэ бэйэтин чаҕылхай үҥкүүлэринэн, […]
«Оллооннуу туойдахпына»
Бүгүн, олунньу 13 күнүгэр, Бөтүҥ нэһилиэгэр Саха сиригэр култуура сылын, «Оллоон» Саха өрөспүүбүлүкэтин көрдөрүүлээх оҕо фольклорнай ансаамбылын төрүттээччитэ, Саха Өрөспүүбүлүкэтин култууратын, үөрэҕириитин туйгуна, Бөтүҥ нэһилиэгин бочуоттаах олохтооҕо, “Амма киэн туттуута”, «Саха Өрөспүүбүлүкэтин норуотун уус-уран айымньытын сайдыытыгар тус кылаатын иһин”, «Софья Сидорова аатынан» бэлиэлэр хаһаайына, Үлэ бэтэрээнэ Софронова Анисия Даниловна төрөөбүтэ 80 сылыгар, А. А. Черемных […]
Комментарии (0)