Туругур Күөх Маай! Туругур Үлэ киһитэ!
Эйэ, Үлэ, Күөх Маай бырааһынньыгын бэлиэтиир ыам ыйын 1 күнүгэр Бөтүҥнээҕи норуот айымньытын киинигэр Бөтүҥ нэһилиэгин тэрилтэлэрин уонна түөлбэлэрин иһигэр ыытыллар «Сайдыс — 2023» култуурунай-спортивнай эстафета чэрчитинэн «ҮЛЭ КИҺИТЭ — 2023» күрэх ыытылынна. Бу күрэххэ 5 хамаандаттан тарбахха баттанар, үрдүк көрдөрүүлээх, актыыбынай олохтоох дьон үлэлиир тэрилтэлэрин чиэһин көмүскээтилэр.
Күрэххэ кыттааччылар бэйэлэрин билиһиннэрдилэр, Бөтүҥ нэһилиэгин сайдыытыгар аналлаах бырайыактарын көмүскээтилэр, талба талааннарын көрдөрдүлэр, бэйэлэрин киинэ, кинигэ, остуоруйа персонажтарын уобарастарыгар холонон көрдүлэр.
Тыҥааһыннаах киирсии түмүгүнэн Бөтүҥ тыа хаһаайыстыбатын кооперативын ыанньыксыта Людмила Ильинична Новикова «Талба талааннаах үлэ киһитэ», СӨ Судаарыстыбаннай хааһынатын тэрилтэтэ «СӨ» үлэҕэ уонна социальнай сайдыыга министерствотын Амматааҕы нэһилиэнньэ социальнай көмүскэлин кэлим киинин мэдиссиинискэй сиэстэрэтэ Наталья Степановна Романова «Бастыҥ уобарастаах үлэ киһитэ», олохтоох дьаһалта уонна Владимир Захарович Неверев аатынан элбэх хайысхалаах адаптивнай саала, Степан Левин аатынан норуот айымньытын киинэ, Бөтүҥнээҕи почта отделениета холбоһуктарыттан Наталья Станиславовна Рыжкова «Бастыҥ бырайыактаах үлэ киһитэ», Николай Егорович Иванов аатынан Бөтүҥ орто оскуолатын социальнай педагога Саргылана Ивановна Мартынова «Килбиэннээх үлэ киһитэ» номинацияны ылан үөрүүлэрэ үксээтэ. «Үлэ киһитэ — 2023» күөн — күрэс муҥутуур кыайыылааҕынан дьиэлэри, тэрилтэлэри сылааһынан хааччыйар олох-дьаһах коммунальнай хаһаайыстыба уонна «Мичээр» оҕо сайдар киинин холбоһуктаах хамаандаларыттан Анжелика Михайловна Кудинова буолуон буолла.
Бу киэһэ Бөтүҥ нэһилиэгэр үлэни өрө туппут, бары өттүнэн сайдыылаах, дэгиттэр талааннаах дьонноохпутунан киэн туттуннубут, үөрэ-көтө көрдүбүт.
Мир! Труд! Май!
Всех жителей Бетюнского наслега сердечно поздравляем с наступившим 1 мая — Праздником Весны и Труда! По традиции к этому дню приурочены субботники, когда сельчане присоединяются к уборке дворовых территорий, улиц от зимнего мусора. Так, сегодня, 1 мая проведены уборки территорий организаций Бетюнского наслега.
«Ала Булкун» олоҥхо геройдарын куукулалара «Якутия - интернациональная республика» быыстапка5а.
Дьокуускай куоракка Саха Өрөспүүбүлүкэтин күнүн көрсө норуоттар икки ардыларынааҕы «Этно-кампус» бырайыак чэрчитинэн Алексей Елисеевич Кулаковскай аатынан Норуоттар доҕордоһууларын дьиэтигэр «Якутия — интернациональная республика» диэн куукулалар уонна хаартыскалар быыстапкалара тэрилиннэ. Бу быыстапкаҕа Бөтүҥ нэһилиэгиттэн Степан Яковлевич Левин аатынан норуот айымньытын киинин аатыттан уопсайа 11 куукула кыттыыны ылла. Бу куукулалары Бөтүҥ нэһилиэгин уран тарбахтаахтара идэтийбит маастар Айталина […]
Комментарии (0)