Ыам ыйын 9 күнэ — улуу Кыайыы күнэ!
2024 сыл ыам ыйын 9 күнүгэр, Бөтүҥҥэ улуу Кыайыы күнүн өрө күүрүүлээхтик бэлиэтэннэ.\
Күнүс 11 чаастан Аҕа дойду улуу сэриитигэр аналлаах үөрүүлээх чааска аҕа баһылык А.Н. Никитин, ытык кырдьаҕас А.В. Васильева, бэтэрээннэр сэбиэттэрин бэрэссэдээтэлэ Т.П. Давыдова сэриигэ баран олохторун олук уурбут бэтэрээннэргэ махтал тылларын, бар дьонноругар эҕэрдэлэрин анаатылар. Бөтүҥ уус-уран самодеятельноһа кыттыылаах эҕэрдэ кэнсиэр көһүннэ. «Полевой кухня» үлэлээн кэлбит дьону итии хааһынан, сылаас чэйинэн күндүлээтилэр.
Киэһэтин Степан Левин аатынан норуот айымньытын киинигэр олохтоох суруйааччыбыт Уйбаан Бөтүүнүскэй «От саҕынньах» кэпсээнинэн Сахаяна Гурьева салайааччылаах «Төлөн» оҕо театральнай коллектива испиктээк көрдөрдө.
Испиктээк кэннэ сэрии сылыгар аналлаах «Умнуллубат 1941-1945 сыллар» уус-уран дьүһүйүү көрдөрдүлэр. Бу киэһэни ыаллыы сытар Абаҕа нэһилиэгиттэн «Түһүлгэ» үҥкүү бөлөҕө дууһаны долгутар, сүрэҕи тыытар үҥкүүнэн киэргэттэ.
Бөтүҥҥэ СӨ тыатын хаһаайыстыбатын туйгуна Терентий Федорович Сутаков өрөгөйдөөх үбүлүөйүн бэлиэтиир 60 сааһын көрсөр «Тимир көлөнү баһылаан» нэһилиэкпит тырахтарыыстарын икки ардыларыгар күрэх дьоро түһүлгэтэ буолан ааста
Терентий Федорович Сутаков 1964 сыллаахха Бөтүҥ нэһилиэгэр элбэх оҕолоох ыалга Сутаковтарга, үһүс оҕонон төрөөбүтэ. Аҕата Федор Иванович тырахтарыыс, ийэтэ Марфа Григорьевна Уорай балыыһатыгар сиэстирэнэн, кэлин ыанньыксытынан үлэлээбитэ. Терентий Федорович оскуола саҕаттан трактореведениеҕа үөрэнэн, сайынын окко кыраабкаһытынан үлэлээн, 1981 сыллаахха орто оскуоланы 3-с кылаастаах тырахтарыыс бырааптаах бүтэрбитэ. Ол кэннэ Алтаннааҕы СПТУ-га тырахтарыыс-суоппар идэтигэр үөрэммитэ. Аармыйаҕа сылдьан […]
Бөтүҥҥэ оҕо көмүскэлин күнэ
Бэс ыйын 1 күнэ Бөтүҥ нэһилиэгин оҕолоругар бэрт сэргэхтик ааста. Оҕо көмүскэлин күнүн Амма эбэ үрдүгэр турар, саҥа площадкаҕа бэлиэтээтибит. Бу күн нэһилиэкпит оҕолоро эҕэрдэ кэнсиэр көрдөрдүлэр: «Мичээр» уһуйаан бэлэмнэнии уонна улахан бөлөҕүн оҕолоро сэргэх ырыаларынан, «Тапталлаах Бөтүҥүм» хоһоонунан уонна аэробика үҥкүүнэн бар дьоннорун эҕэрдэлээтилэр, сал. Е.С. Никитина. Н.Е. Иванов аатынан Бөтүҥ орто оскуолатын үөрэнээччилэрэ, […]
Комментарии (0)