«Талаана» түмсүү 10 сыллаах үбүлүөйэ
Бөтүҥ нэһилиэгэр үһүс көлүөнэ оскуолатын иһинэн тэриллибит «Талаана» түмсүү бэйэтин 10 сыллаах үбүлүөйүн муус устар 24 күнүгэр үрдүк таһымнаахтык бэлиэтээтэ. 2016 сылтан Светлана Афанасьевна Никитина салайааччылаах бу түмсүү нэһилиэк олоҕор сүҥкэн кылааты киллэрэн кэллэ.
Үбүлүөйдээх тэрээһин чэрчитинэн түмсүү 10 сыллаах үлэтин-хамнаһын көрдөрдө. Билигин «Талаана» — бу иис-уус, үҥкүү, коллекционердар уонна суруйар-бичийэр дьон биир сомоҕо буолбут түмсүүлэрэ. Кинилэр Амма олоҥхотун ыһыаҕар кыттыылара, быстах байыаннай дьайыыга көмөлөрө, нэһилиэк субуотунньуктарыгар уонна үтүө санаа аахсыйаларыгар көхтөөх кыттыылара — барыта түмсүү олус кыахтааҕын туоһулуур.
Тэрээһин икки чаастаах буолла: бастакытыгар үөрүүлээх чаас ааста, онно нэһилиэк, улуус салайааччылара, бэтэрээннэр сэбиэттэрин бэрэстэбиитэллэрэ кэлэн эҕэрдэлээтилэр уонна «Талаана» үлэтин үрдүктүк сыаналаатылар. Иккис чааска түмсүү бэйэтин кэнсиэрин көрдөрдө. Манна түмсүү кыттыылаахтара ырыаны-тойугу, аныгы уонна сахалыы моһуоннаах таҥас көрдөрүгүн, истиҥ монологтары, сценкалары уонна оонньуулары оройуттан туттулар.
Светлана Афанасьевна уонна «Талаана» түмсүү кыттыылаахтара нэһилиэк дьаһалтатыгар уонна С.Я. Левин аатынан норуот айымньытын киинигэр өйөбүллэрин иһин барҕа махталларын тиэрдэллэр.
10 сыл — бу үлэ саҕаланыыта эрэ. «Талааналар» инникитин даҕаны нэһилиэк сайдыытыгар күүстэрин ууран туран үлэлэһиэхтэрэ диэн эрэнэбит.
Баҕарыаҕыҥ аҕам саастаах дьоммутугар чэгиэн доруобуйаны, эдэрдии эрчими! Түмсүүгүт салгыы да ситиһиилээхтик сайда турдун!
Бөтүҥ бастыҥ балыксыттара: "Подледка-2026" күрэх түмүктэрэ
Бэҕэһээ, муус устар 19 күнүгэр, Бөтүҥ нэһилиэгэр муус аннынан кыһыҥҥы балыктааһыҥҥа тус бэйэни тургутан көрөр күрэх буолан ааста. «Бөтүҥ нэһилиэгэ» тыа сирин түөлбэтин дьаһалтата, Н.Е. Иванов аатынан Бөтүҥ орто оскуолатын Аҕа сэбиэтин көҕүлээһиннэринэн тэриллибит сэргэх тэрээһиҥҥэ балыксыт дьоҕурдаах бары баҕалаах дьон көхтөөхтүк кытыннылар. Саамай үөрүүлээх уонна сэргэх түгэнинэн — күрэххэ оҕолор кыттыылара буолла! Өбүгэбит дьарыгын кыра саастарыттан […]
С Днём Республики, земля Олонхо!
Сегодня, 27 апреля, мы отмечаем День Республики Саха (Якутия). Эта дата ведёт свою историю с 1922 года, когда была образована Якутская Автономная Советская Социалистическая Республика, и символизирует становление нашей государственности. В 1992 году именно в этот день принята действующая Конституция и герб республики. Для каждого якутянина праздник земли Олонхо — это дань уважения предкам, гордость […]
Комментарии (0)