АММА УОЛА — ОЛОҤХО КҮРЭҔИН КЫАЙЫЫЛААҔА!
Муус устар 3-4 күннэригэр Кэбээйи улууһун Сииттэ нэһилиэгэр буолбут «Куйуур олоҥхото-2026» өрөспүүбүлүкэтээҕи ыччат бэстибээлэ олус үрдүк таһымнаахтык ааста. Бу тэрээһин биллиилээх олоҥхоһут Иван Афанасьевич Николаев-Куоҕас Уйбаан төрөөбүтэ 115 сылыгар ананан олоҥхону үйэтитии уонна ыччакка тарҕатыы сыаллаах ыытылынна.
Мэҥэ Хаҥалас, Таатта, Нам, Бүлүү, Сунтаар улуустарыттан уонна Дьокуускай куорат үрдүкү үөрэх кыһаларыттан кэлбит дьоҕурдаах ыччаттар икки ардыларыгар биһиги улууспут аатыттан кыттыыны ылбыт биһиги киэн туттар ыччаппыт Никифоров Егор Трофимович олус таһымнаахтык олоҥхолоон дьүүллүүр сүбэ үрдүк сыанабылын ылла.
Дьүүллүүр сүбэҕэ «Ыччат олоҥхоһут» республикатааҕы общественнэй түмсүү «Ытык сүбэтин» салайааччыта, “Куйуур олоҥхото” бырайыак ааптара педагогическай билим хандьыдаата, Культурология хаапыдыратын доцена Г.С. Попова-Санаайа, Саха Сирин Дархан оһуохайдьыта, Саха Сирин Ил Дарханын олонхоҕо стипендията, Саха Республикатын култууратын туйгуна, Г.Г. Колесов аатынан анал аат хаһаайына, Өрөспүүбүлүкэтээҕи Олоҥхо Ыһыахтар хас даҕаны төгүллээх Кылаан кыайыылааҕа, олоҥхону толорооччу В.В. Никифоров, Г.Г. Колесов аат. Мэҥэ Хаҥалас улууһун Олоҥхо Дьиэтин фольклорга специалиһа СӨ култууратын туйгуна, олоҥхоһут Н.И. Степанов-Ноорой сиэнэ, 2013 с., 2018 с. Өрөспүүбүлүкэтээҕи Олоҥхо Ыһыахтар Кылаан кыайыылааҕа, күөх экран нөҥүө ыытыллар“Олоҥхо баттл-2024” күөн күрэс кыайыылааҕа, олоҥхону толорооччу А.Н. Степанова үлэлээтилэр.
“Куйуур олоҥхото-2026” ыччат өрөспүүбүлүкэтээҕи түһүлгэтин түмүгүнэн Егор Никифоров — I үрдэл хаһаайынынан буолла!
Бу ситиһии — Егор олоҥхону дириҥник ылынарын, сахалыы тыыны өрө тутарын уонна төрөөбүт дойдутун чиэһин үрдүктүк тутарын туоһулуур. Эйигин, Егор, бу үрдүк ситиһиигинэн итиитик-истиҥник эҕэрдэлиибит! Инникитин да саха олоҥхотун сүдү тыынын дьоҥҥо-сэргэҕэ тиэрдэр улуу суолгар табыллыыны, саҥа кыайыылары баҕарабыт!
"Дьулуур" норуодунай тыйаатыр Хатаска
Муус устар 4-5 күннэригэр Хатаска үгэс буолбут «Битва режиссеров» өрөспүүбүлүкэтээҕи норуодунай тыйаатырдар күрэхтэригэр Бөтүҥнээҕи «Дьулуур» норуодунай тыйаатыр баран кыттыыны ылан кэллэ. Бу күрэххэ Социалистическай Үлэ Дьоруойа, III ыҥырыыга Саха АССР Үрдүкү Сэбиэтин депутата, Саха АССР норуотун хаһаайыстыбатын үтүөлээх үлэһитэ, Амма улууһун бочуоттаах олохтооҕо, «XX үйэ чулуу киһитэ» анал бириэмийэ хаһаайына Анна Михайловна Васильева – Сэбиэт Аана […]
Праздник культуры в Амгинском улусе: день наград, музыки и побед
Вчера в Амгинском улусе состоялось торжественное мероприятие, посвящённое сразу двум важным датам — Дню работника культуры в России и Году культуры в Республике Саха (Якутия). Праздничная программа прошла в тёплой, почти семейной атмосфере, хотя масштаб события говорил об обратном: на сцене и в зале собрались ведущие деятели культуры, мастера искусств, руководители учреждений, ветераны отрасли и […]
Комментарии (0)