Үлэ дьонун үйэтитэр «Тимир көлөнү баһылаан…» күрэх үһүс төгүлүн ыытылынна
Бөтүҥ нэһилиэгэ былыр-былыргыттан үлэҕэ бэриниилээх, сатабыллаах дьонунан аатырар. Тыа хаһаайыстыбатын сайдыытыгар үгүс күүһүн уурбут, ситиһиилээхтик үлэлээн ааспыт тырахтарыыстарынан Онуфриев Ким Никитич, Сергеев Молода Гаврильевич, Чириков Виктор Денисович, Иванов Гаврил Егорович, Новиков Илья Яковлевич, Сутаков Федор Иванович буолаллар.
Кинилэр быйылгы үбүлүөйдээх сылларыгар анаан, ааттарын үйэтитэр сыалтан, Бөтүҥ нэһилиэгин тырахтарыыстарын икки ардыларыгар III төгүлүн ыытыллар «Тимир көлөнү баһылаан…» күрэх Күөх маай, Эйэ, Үлэ бырааһынньыгар ыам ыйын 1 күнүгэр Сүөгэйдээн сиригэр үөрүүлээхтик буолан ааста.
Бу күрэх бастаан 2024 сыллаахха Терентий Сутаков көҕүлээһининэн тэриллэн, нэһилиэк дьонугар-сэргэтигэр тапталлаах тэрээһин буолбута. Тыа хаһаайыстыбатын тирэҕинэн буолбут кырдьаҕас үлэһиттэри чиэстээһин, эдэр ыччаты үлэҕэ-хамнаска угуйуу, дьоҕуру сайыннарыы бу күрэх сүрүн суолтата буолар.
Күрэх арыллыытыгар сахалыы сиэр-туом оҥоһулунна. «Бөтүҥ» тыа сирин түөлбэтин баһылыга Борисова Саргылана Васильевна уонна «Бөтүҥ» ТХПК салайааччыта Дмитрий Степанович Левин эҕэрдэ тылларын эттилэр, наҕараадалары туттардылар.
Быйылгы тэрээһин хаһааҥҥытааҕар да элбэх кыттааччыны муста – уопсайа 14 киһи күүстэрин холостулар. Кыттааччылар ахсааннарыгар Сергеев Прокопий, Нестеров Анатолий, Борисов Павел, Дьячковский Василий, Егоров Олег, Яковлев Артур, Эверестов Семён, Левин Степан, Иванов Алексей, Иванов Петр уонна соҕотох кэрэ аҥар Самсонова Туйаара киирдилэр.
Күрэххэ тырахтарыыстар 5 араас түһүмэҕи аастылар:
1) Тыраахтарга сүүрэн тиийэн собуоттаан куунун көтөҕөн бырысыабы холбооһун.
2) «Змейка» эргийэн баран бырысыабы гаражка угуу.
3) Остуолбаны куунунан хардаҕас үрдүгэр ууруу уонна төттөрү миэстэтигэр ууруу.
4) Икки шинаны биирдиилээн уһун остуолбаҕа кэтэрдии.
5) Тыраахтары гаражка ууруу, куунун түһэрии уонна финишка диэри сүүрүү.
Кыттааччылар бары сатабылларын, сымсаларын көрдөрдүлэр. Күрэх түмүгүнэн:
• I миэстэни – Борисов Павел
• II миэстэни – Дьячковский Василий
• III миэстэни – Баранов Денис ыллылар.
Бу күрэҕи тэрийиигэ уонна бириистэри туруорууга көмөлөспүт спонсордарга: «Чолбон» бааһынай хаһаайыстыбаҕа, үбүлүөйдээх тырахтарыыстар оҕолоругар, аймахтарыгар, «Бөтүҥ» тыа хаһаайыстыбатын кооперативыгар, «Чараҥ», «Центр», «Харысхан» маҕаһыыннарга барҕа махталбытын тиэрдэбит!
«Тимир көлөнү баһылаан…» күрэх – Бөтүҥ нэһилиэгэ үлэни үрдүктүк тутар үгэһин, тыа хаһаайыстыбатын сайыннарар сырдык суолун, норуот түмсүүтүн кэнчээри ыччакка тиэрдэр ураты тэрээһин. Маннык бэлиэ бырааһынньыктар нэһилиэк олоҕун сэргэхситэллэр, инники дьоллоох кэскилбит туһугар бигэ тирэх буолаллар.
С Днём Республики, земля Олонхо!
Сегодня, 27 апреля, мы отмечаем День Республики Саха (Якутия). Эта дата ведёт свою историю с 1922 года, когда была образована Якутская Автономная Советская Социалистическая Республика, и символизирует становление нашей государственности. В 1992 году именно в этот день принята действующая Конституция и герб республики. Для каждого якутянина праздник земли Олонхо — это дань уважения предкам, гордость […]
Улуу Кыайыы үйэлээх кэрэһитэ – сүрэхтэргэ сүппэт!
«Сүгүрүйэбит! Киэн туттабыт! Махтанабыт!» диэн ытык тыллары тутуһан, ыам ыйын 8 күнүгэр Бөтүҥ нэһилиэгин олохтоохторо Улуу Кыайыы 81 сылын бэлиэтиир миитиҥҥэ түмүстүлэр. Кыайыы болуоссатыгар ыытыллыбыт үөрүүлээх тэрээһин норуот сомоҕолоһуутун, өбүгэ үтүө үгэһигэр бэриниитин чаҕылхайдык көрдөрдө. Тэрээһин «Өлбөт үйэлээх полк» сэлэлии хаамыытынан саҕаланна. Аҕа дойду Улуу сэриитин хорсун буойуттарын хаартыскаларын өрө тутан кэнчээри ыччаттан кырдьаҕаска диэри бары биир […]
Комментарии (0)